葉蒨文曬18歲素顏相怒駁整容傳聞 自證眼部無可能開過刀：講啲嘢仲Kam過我當時髮型葉蒨文（Sophie）近兩個月因在TVB戀愛綜藝《女神配對計劃》裡獲在《愛·回家之開心速遞》的CP曾展望（GM）力追，而成為全城熱討對象。特別是在上星期舉行的《2025年度香港小姐競選決賽》中，二人又以CP檔作司儀，再度成為全場焦點。葉蒨文曾在2016年報名港姐，不過可惜最後並未入圍，她也有將這件事擺上港姐決賽舞台自嘲。正因如此，葉蒨文2016年選港姐時期的照片開始被全網瘋傳，更有不少網民指葉蒨文容貌大升級“實有鬼”！葉蒨文也不忿被無端指整了容，她昨日（4日）就在IG發文，怒斥“黑粉”亂講嘢。葉蒨文分享24歲時麵試港姐時候的媒體照：“唔好意思，嗰陣時三年冇剪頭髮，披頭散髮，冇化底妝，仲要畫咗條Kam眉同眼線，第一輪麵試都算係大熱嚟，有圖有真相。”葉蒨文又po出自己18歲時候的素顏照片，力證自己無整容：“我其實真係唔覺得依家五官都認唔到我，少少誇張喎，黑粉們。”她更指，最好笑是居然有人說她開眼頭：“你知唔知開刀嗰啲眼頭唔會好似我咁，笑嘅時候眼頭肌肉彎彎地向下？同埋拍攝近鏡時，我連眼頭都有眼睫毛，即係有毛囊啊！你覺得邊個咁得閒割完對眼植返啲毛囊去個眼頭度？你講啲嘢仲Kam過我當時嗰個髮型。黑粉請借一借，笑死。”葉蒨文也不忘安慰支持自己的粉絲，同時勉勵自己不要激氣：“無謂同佢哋變得一樣，我哋繼續做好自己，成為更好嘅人就好了。再者，換一個角度諗，佢哋係覺得我變好咗先咁講啫，咁好老實講，人生都係求進步同埋想變得越嚟越好，所以我都會越變越靚，亦都會越變越好。”